Blog do Equipo de Normalización e Dinamización Lingüística

CEIP San Martiño de Salcedo (Pontevedra)

04 abril 2016

APIPOLIS

  O  día 17 de marzo, o alumnado de Infantil e 1º e2º de primaria, fixemos unha saída á granxa Apípolis en Xeve. Aprendemos moitas cousas dun insecto tan interesante como son as abellas. Eramos tantos que tivemos que ir en tres autobuses. Cando chegamos xa nos estaban esperando varios monitores, con eles, fomos rotando por distintos obradoiros.
Vestimos un traxe para entrar ao  Apiarium, alí estivemos en contacto directo coas abellas e non nos picou ningunha. Visitamos unha exposición onde vimos a raíña da colmea, que é moito máis grande cas outras. Na cociña elaboramos unas galletas de mel que estaban riquísimas. Tamén fixemos unha vela da cera e vimos a maneira de sacar o mel das colmeas. Escoitamos un conto moi bonito e xogamos mentres merendamos .
Pasámolo moi ben. Gustounos moito a vida das abellas.

E como di o refrán popular : Onde hai abellas hai mel.













Ningún comentario: